ՈՍԿԵՏԱՌ ՄԱՐԳԱՐԻՏՆԵՐ (4)

by: © srg blog admin: 04:20pm
labels: Shahaziz, Poetry

---------------------------------------------

   «ՄԱՐԳԱՐԻՏՆԵՐ ՀԱՅ ՔՆԱՐԵՐԳՈՒԹՅԱՆ » շարքից 

ՍՄԲԱՏ ՇԱՀԱԶԻԶ

(1841-1907)

     

      ԵՐԱԶ

    Ես լսեցի մի անուշ ձայն,—

       Իմ ծերացած մոր մոտ էր —

    Փայլեց նշույլ ուրախության,

       Բայց ափսո՜ս, որ երազ էր:

                     

Կարկաչահոս աղբյուրն այնտեղ

    Թավալում էր մարգարիտ.—

Նա հստակ էր, որպես բյուրեղ,

     Այն երա՜զ էր ցնորամիտ:

Եվ մեղեդին տխուր, մայրենի

   Հիշեց մանկության օրեր.

Մորս համբույրն ես զգացի,

   Ա՜խ, ափսո՜ս, որ երազ էր:

Կուրծքին սեղմեց կարոտագին,

   Աչքերս սրբեց — շատ թաց էր

Բայց արտասուքս գնում էին

   Ա՛խ, այդ ինչո՞ւ երազ էր...

շարունակելի...