էջեր խորագրի ներքո - ԶԱՐՄԱՆՈՒՄ ԵՄ ԵՍ (I'm Amazed) - Արթուր Մեսչյան

էջեր..., որոնք նվիրվելու են սիրելի մաեստրոյին (1,2)
«Զարմանում եմ ես» խոսք / երաժշտությունը  Արթուր Մեսչյանի  

        Արթուր Մեսչյան

Ճարտարապետ, երաժիշտ, կոմպոզիտոր, 

բանաստեղծ, երգիչ

Artur Meschian
www.arthurmeschian.com

                               

«Նրա երգը ներաճել, միացել է սերունդների երթին» - 

Հրաչյա Թամրազյան

Արամ Խաչատրյան համերգասրահ  (Նոյեմբեր 2009թ.)                Lyrics&Music: Arthur Meschian

Աղբյուրից մաքուր ջուրը խմելիս` ես կհագենամ,
Եվ հետո, մի պահ կառչած ներկային, ես կզարմանամ,
Թե ինչպես եղավ, որ մեր շուրջ հանկարծ ամենը փոխվեց:
Ասում են` ամեն երազանք ու հույս նորից պղտորվեց:

Զարմանում եմ ես մեր առջև փակվող հազար դռներից,
Զարմանում եմ ես մեզ բաժան անող հազար շերտերից,
Զարմանում եմ ես և նորից-նորից ես չեմ հասկանում:
Եվ գլուխս կախ ամբողջ իմ կյանքում ազգս եմ փնտրում:

Ես չեմ զարմանում նորից արթնացած բյուր ճիվաղներից,
Զարմանում եմ ես նորից համբերող իմ ժողովուրդից,
Զարմանում եմ ես և չեմ վախենում օտար թշնամուց,
Խորանը երկրիս ներսից էր քանդվում և արդեն վաղուց:

Ժանտախտի օրոք քեֆ է ընդանում մի համատարած,
Լրբերը վերցրին իրենց երեսից դիմակն ամոթխած,
Կսպանվի սարում այրվող փամփուշտով չքնաղ պատանի,
Դատապարտելով աճյունը սառած մի ճոխ թաղումի:

Զարմանում եմ ես, որ նորից-նորից, գլուխը կորցրած,
Ընթանում ենք մենք անցած ուղիով արդեն բթացած:
Զարմանում եմ ես, որ այս աշխարհում ոչինչ չի փոխվում:
Անիվը սելի նորից կոտրվեց իր սիրած փոսում:

Զարմանում եմ ես դատարկ ու պարապ ինչ-որ հույսերից,
Զարմանում եմ ես, որ չեմ զարմանում էլ ոչ մի բանից,
Խուլ ու հնազանդ չարին հանձնված այս մեծ աշխարհից
Եվ մարդկանց անդունդը տանող ճանապարհներից:


Արտաքին հղումներ 

----------------------------

Արթուր Մեսչյանի պաշտոնական կայք

http://hy.wikipedia.org

video source: Artur meschian youtube channel